Number of Words in the English Language
உலக மொழி கண்காணிப்பகம் (Global Language Monitor – GLM) என்பது; ஆங்கில மொழி சொற்கள் தொடர்பான தகவல்களை சேகரித்து, ஆங்கிலச் சொற்களின் எண்ணிக்கையை கணக்கிட்டு அறியத் தந்துக் கொண்டிருக்கும் ஒரு நிறுவனமாகும். அதன் கணிப்பின் படி; தற்போது ஒவ்வொரு 98 நிமிடங்களுக்கும் ஒரு புதிய ஆங்கிலச் சொல் உருவாகின்றதாம். அதாவது ஒரு நாளைக்கு 14.7 சொற்கள் ஆங்கிலத்தில் உருவாகின்றனவாம். (Currently this is a new word created every 98 minutes or 14.7 words per day.)

2005 ஆம் ஆண்டு ஒக்ஸ்போர்ட் ஆங்கில அகராதியில் 301,100 ஆங்கிலச் சொற்கள் உள்ளடக்கப்பட்டிருந்தனவாம். மற்றும் வழிச்சொற்கள், சொற்றொடர்கள் என எல்லாமாக மொத்தம் 616,500 சொற்கள் இடம் பெற்றிருந்தனவாம். இந்த எண்ணிக்கை கடந்த ஐந்து ஆண்டுகளில் கடுகதி வேகத்தில் அதிகரிக்கத் தொடங்கியது.

உலக மொழி கண்காணிப்பகம் பன்னாட்டளவில் பிரபலம் அடையும் சொற்கள்; அவை எம்மொழி சொற்களானாலும், அவற்றை ஆங்கிலச் சொற்களாக ஏற்றுக்கொள்கிறது. அதற்கான தகுதரமாக ஒரு சொல் உலகளவில் 25,000 ஆயிரம் தடவைக்கும் மேலாக குறிப்புகள், மேற்கோள்கள் உடன் பயன்பாட்டில் பரிச்சயம் அடைய வேண்டும். அவ்வாறு பரிச்சயம் அடையும் சொல்லிற்கான விளக்கங்களை வழங்கி, இலக்க வரிசையில் ஆங்கிலச் சொல்லாக ஏற்று அறிவித்து வருகின்றது.

அன்மையில் ஏற்றுக்கொள்ளப்பட்ட சொற்கள்:

999,991: Sexting
999,992: Greenwashing
999,993: Octomom
999,994: Slow Food
999,995: Carbon Neutral
999,996: Cloud Computing
999,997: Slumdog
999,998: NOOb
999,999: Jai Ho!

ஹொலிவூட் (Hollywood) திரைப்படத் துறையூடாக பிரபலம் அடையும் சொற்களை ஹொலிவேட்ஸ் (Hollywords) என பட்டியலிட்டு வருகின்றது. அவ்வாறு ஏற்றுக்கொள்ளப்பட்ட சொற்களே 'Slumdog, Jai Ho!' போன்றவைகளாகும்.

இணையப் பயன்பாட்டின் ஊடாக பயனர்களிடையே பிரபலம் அடையும் சொற்களைக் கண்காணித்து அவற்றையும் ஆங்கிலச் சொற்களாக ஏற்றுக்கொள்கிறது.

சாதனைத் தமிழர் ஆங்கிலச் சரித்திரத்தில்
-------------------------------------------------------------------------------------
தமிழ் இசை உலகில் ஒஸ்கார் விருது பெற்ற சாதனைத் தமிழர் ஏ. ஆர். ரஹ்மானின் பாடல் பன்னாட்டளவில் பிரசித்திப்பெற்றதால்; “ஜெய் ஹோ!” (Jai Ho!) எனும் சொல்லை, உலக மொழி கண்காணிப்பகம் 999,999 வது ஆங்கிலச் சொல்லாக ஏற்றுக்கொண்டுள்ளது.

அதனடிப்படையில் ஆங்கில மொழி சரித்திரத்திலும் ஏ. ஆர். ரஹ்மான் இடம் பிடித்து விட்டவர் ஆவார்.

999,999: Jai Ho!

'Jai Ho!' இச்சொற்றொடருக்கான பொருள்; வெற்றியின் மகிழ்ச்சியை ஆரவாரப்படுத்தும் ஒரு வியப்புச் சொற்றொடர் என விளக்கம் கொடுக்கப்பட்டுள்ளது. (The Hindi phrase signifying the joy of victory.)

ஆம்! 2009 ஜூன் 10 ஆம் நாள், GMT நேரப்படி முற்பகல் 10.22 க்கு, 1,000,000 இலட்சம் சொற்களை உள்ளடக்கிக்கொண்டது. (The English Language passed the Million Word threshold on June 10, 2009 at 10:22 a.m. (GMT). The Millionth Word was the controversial ‘Web 2.0′.)

அந்த பத்து இலட்சமாவது ஆங்கிலச் சொல்:

1,000,000: Web 2.0

'வலை 2.0' (Web 2.0) உலக விரிவு வலையின் அடுத்த தலைமுறையினருக்கான இணையப் பயன்பாட்டைக் குறிக்கும் ஒரு தொழில் நுட்பச் சொல்லாக அறிவித்துள்ளது. (Web 2.0 is a technical term meaning the next generation of World Wide Web products and services.)

இதோ அந்த உலக மொழி கண்காணிப்பகத்தின் தலமை அதிகாரியும் தலமை சொல் ஆய்வளருமான பவுல் ஜே. ஜே. பேயாக் (Paul J. J. Payack) அவர்களின் 1,000,000 இலட்சம் சொல்லின் பிரகடனப் பதிவும் காணொளியும்.

சரி! பத்து இலட்சத்து ஒன்றாவது ஆங்கிலச் சொல் எது என்று தெரியுமா?

1,000,001

'Financial Tsunami'

'சுனாமி' (Tsunami) எனும் சொல், ஒரு ஜப்பானிய மொழிச் சொல்லாகும். இச்சொல் அநேகமான தமிழர்களுக்கு கமலஹாசனின் 'அன்பே சிவம்' திரைப்படத்தின் பின்னரே அறிமுகமானச் சொல்லாக இருந்திருக்கும். அச்சொல்லையும் இன்று ஒரு ஆங்கிலச் சொல்லாக ஏற்றுக்கொள்ளப்பட்டுள்ளது. அவ்வாறே அன்மையில் 'Financial Tsunami' எனும் சொல்லும் 1,000,001 ஆம் சொல்லாக அறிவிக்கப்பட்டுள்ளது.

"ஒபாமா" (Obama) ஒரு புதிய ஆங்கிலச் சொல்
-------------------------------------------------------------------------------------
அமெரிக்க ஜனாதிபதி பாரக் ஒபாமாவின் பெயர் உலகளவில் பிரபலம் அடைந்ததைத் தொடர்ந்து; கடந்த 2008 பெப்ரவரி 20 ஆம் நாள் "Obama" என்பதனையும் ஒரு புதிய ஆங்கிலச் சொல்லாக உலக மொழி கண்காணிப்பகம் அறிவித்தது. (GLM announced that the latest word to enter the English language was "obama") அத்துடன் "Obama" எனும் சொல்லை ஒரு வேர்சொல்லாகவும், அதனுடன் தொடர்புடையச் சொற்களை கிளைச்சொற்களாகவும் பட்டியலிட்டுள்ளது. அவைகளாவன:

Obama
Obamanomics
Obamican
Obamamentum
Obamacize
Obamarama
ObamaNation
Obamafy
Obamamania
Obamacam

இவ்வாறு ஆங்கிலம் இன்று உலகில் அதிகச் சொற்களைக் கொண்ட மொழியாக; பத்து இலட்சம் சொற்களுக்கும் அதிகமான சொற்களை உள்ளடக்கிக்கொண்டு, உலகப் பொது மொழியாக உயர்ந்து நிற்கின்றது. தற்போது உலக வரலாற்றில் ஒரு மில்லியன் சொற்களைக் கொண்ட ஒரே மொழி ஆங்கிலம் மட்டும் தான்.

சரி! இன்று இந்த நொடியில் ஆங்கிலத்தில் எத்தனை சொற்கள் பெருகியுள்ளன தெரியுமா?

ஆங்கில மொழி கடிகாரத்தில் இந்த வினாடி: 1,005,366 சொற்கள் பதிவாகியுள்ளன.

நன்றி

அன்புடன்
manibharathi

Spoken English Part -1



Spoken English Video Part -2

SAGA Chennai Spoken English Institute Free Video Training Clips.







Easy Spoken English Video Clips.

Spoken English Part -1



Spoken English Video Part -2

SAGA Chennai Spoken English Institute Free Video Training Clips.







Easy Spoken English Video Clips.